Instituti Sekhmet, në bashkëpunim me Kolektivin Zinë dhe Edi Shefkiun, ka publikuar zinën “Përtej binares: nëpër spektrin e gjinisë,” e shoqëruar nga një ekspozitë me ilustrimet e Edi Shefkiut. Ky event bashkëpunues u mbajt në hapësirën e punëtorisë së vetë-botimit në Qendrën për Praktika Rrëfyese.

Përveçse shërbeu si vendi ku u krijuan këto vepra të reja, hapësira vetë u shndërrua në një vend shprese dhe mundësie, duke nxitur prodhimin e mëtejshëm të njohurive përmes iniciativave të vetë-botimit. Printeri Riso, ngjyrat, letrat, lapsat dhe stilolapsat mbetën në vendet e tyre të zakonshme, ashtu si në çdo ditë tjetër.

Si pjesë e ndërhyrjes, gjashtë punime të reja të porositura nga Edi Shefkiu u ekspozuan bashkë me shtresa të ndryshme ose skica të krijuara përmes printerit. Kopje të zinës së publikuar, si dhe botime të mëparshme nga Kolektivi Zinë, ishin të disponueshme në rafte. Ekspozita qëndroi e hapur për një javë në Qendrën për Praktikën Rrëfyese gjatë dhjetorit 2023.

Në Sekhmet, e shohim artin si një mjet të fuqishëm për të zënë hapësirën publike me ndershmëri dhe solidaritet. Ai na mundëson të vëmë në pikëpyetje atë që konsiderohet si 'e dhënë' dhe 'normale', duke krijuar hapësirë për talente të reja dhe vetëshprehje të pakufizuar. Jemi krenarë që mbështetëm artistin e jashtëzakonshëm Edi Shefkiu, në bashkëpunim me Kolektivi Zinë dhe Qendrën për Praktikë Rrëfyese — platforma që, ashtu si ne, mbështesin përpjekjet bazë për të sfiduar status quo-në.

​

Prodhuar nga: Instituti Sekhmet

Në bashkëpunim me: Kolektivi Zinë 

Kuruar nga: Donjetë Murati 

Teksti dhe hulumtimi: ERN

Artist: Edi Shefkiu 

Dizajni dhe printimi në riso: Elvira Thaçi

Fotografitë nga: Besfort Syla 

​